admin
Admin
|
# Posted: 11 Jan 2010 00:37
Reply
Pyaas Ki Himmat Tut Gayi Hai
Aur Pyaasa Baaki Hai
Ab Bhi Har Ek Aankh Mey Uskey
Naam Ka Darya Baaki Hai
Soch Shakhifa Haar Gaya Hai
Dekh Muhbaala Jeet Gaya
Saare Jhutey Jhoot Huwe Hai
Aur Woh Sacha Baaki Hai
Naaz Bhare Andaaz Mey Yeh
Shabbir Yazid Se Puchey Hai
Ab Kya Mere Paas Nahi Hai
Aur Tera Kya Baaki Hai
Duniyawalo Gar Samjho To
Jeet Isi Ko Kahte Hai
Saare Kunba Qatl Huwa
Aur Saara Kunba Baaki Hai
Baap Ke Har Ek Dushman Se
Shabbir Abhi Tak Puche Hai
Aawo Dekho, Sunlo,
Kiske Baap Ka Naara Baaki Hai
Shimr Se Har Shaami Ne Pucha
Tum Kya Kaat Ke Laaye Ho
Chehra Jalwa, Lehja, Balke
Yeh To Saara Baaki Hai
Saare Maatami Baqsh Ke Allah
Yeh Shabbir Se Kah Dega
Tune Jo Ahsaan Kiya Tha
Uska Karza Baaki Hai
Saare Bush, Saddam, Yazid Aur Saare Mulla Maan Gaye
Tut Gayi Baarood Ki Taqat Aur Moalla Baaki Hai
Makka Qufa Shaam Madina
Ghumo Dekho Phir Samjho
Arbo Arab Pade Hai Lekin
Kiska Shajra Baaki Hai
Jiski Nasl Khusi Ki Khaatir
Tumne Saikdo Jange Ki
Aaj Bhi Gaibat Ke Parde Mey Uska Beta Baaki Hai
Kitne Mohsin Kitne Nusrat
Tumne Roz Shahid Kiye
Kaun Dara Hai, Kaun Ruka Hai
Sabka Jazba Baaki Hai
Shi'At Ki Taariq Mitana
Tab Tak To Na Mumkin Hai
Jab Tak Is Quraan Ke Dil Par
Lafze Shia Baaki Hai
Mere Yaha Jo Lafz They Maine
Kaaga Pey Undhel Diye
Shaukat Is Unwaan Pey Ab Bhi
Sab Kuch Kahna Baaki Hai
|
